V našym seli zvony vyzvaňajut

Published in

V našym seli zvony vyzvaňajut,
až sja v sadi stromy rozvijajut.
|: Joj, mamičko jak to krasni zvoňat,
už umerla frajiročka moja. :|

Za to ona tak skoro umerla,
že ju matir pro mňa proklinala.
|: Joj, mamičko ne hodna 'm skonati,
pokaľ mi ne pride frajir ?dekovati?. :|

Jak vin prišol takoj jij ručku dal,
a tak nad ňov prehorko zaplakal.
|: Frajiročko, ty moja, ty moja,
ne mali my pokoja, pokoja. :|

Jak vin prišol i ona skonala,
kamaratky ku sobi volala.
|: Podte ku mni kamaratky moji,
vy budete všytky družky moji. :|

Ked pridete tak žalostni plačte,
a tak vy mňa do truny položte.
|: Oblečte mňa na čisto na bilo,
by sja mojij mamki serce rozžalilo. :|

Hudobná ukážka: