Domov » Fórum » Rusnacké pesničky

A na hori oves pokośenij

Vytvoril admin 6. December 2017 - 23:36
Published in

A na hori oves pokośenij,
prekrasni vin dokopy skladženij.
|: A na verchu sidit lastivočka,
ľubuje mňa prekrasna divočka. :|
 
Ked ja išol prez zelenu lučku,
stritiv ja tam svoju frajiročku.
|: Vitaj, vitaj frajiročka moja,
bo ja idu, što novoho doma. :|
 
Ona vstala, ručku mi podala,
prežalostni sobi zaplakala.
|: A čom plačeš frajiročko moja,
čom jes taka smutna, ne vesela. :|
 
A jak by ja smutna ne plakala,
ked mi tvoja matir povidala.
|: Že jak prideš z vojny do civilu,
mňa chudobnu ne vozmeš za ženu. :|
 
Ne plač mila, bo to nič ne pravda,
vydumala lem dajaka ľabda.
|: Stary baby roboty ne majut,
lem sja o nas molodych starajut. :|
 
Mila moja ne sluchaj nikoho,
lem sja trimaj rozuma svojoho.
|: Choc bys mala lem jedno kabaťa,
dušo moja ne zochabľu ja ťa. :|

Hudobná ukážka: 
‹ V našym seli zvony vyzvaňajut Po dvomi, po tromi ›