Rusnaci zo Slovenska

Hori dražka, dolov chodnik,
ej, povidajut, že ja zbojnik.
|: Ne zbojnik, ja, ne zbojničok,
ej, chudobnoj mamky synočok. :|

Chudobna, ňa, mamka mala,
ej, chudobni ňa vychovala.
|: A jak ja jej mal chovati,
ej, ta ja musil rukovati. :|

Narukoval, ja k cisarju,
ej, koho ja tam Bože zmarňu.
|: Umiraju v ťažkym boju,
ej, ne uvidžu mamku svoju. :|

Svit slonečko z vysokosti
ej, naj ne bude nigda zlosti.
|: Rozduj viter chmary čorny,
ej, naj ne bude nigda vojny. :|

Mam ja doma novu huňu,
lem čista vata.
A druhu mam išči novšu,
lem prez chrbeta.
|: A ja na to nič ne dbam,
lem ked ja sja dobri mam.
Každyj kričit na ulici:
"Veľkomožnyj pan". :|

Mam ja doma novy kerpci,
lem prez pidošvy.
A druhy mam na nediľu,
lem kuščok novšy.
|: A ja na to nič ne dbam,
lem ked ja sja dobri mam.
Zahrajte mi muzikanti,
dva grajcary dam. :|

Mam ja doma dobru ženu,
lem kuščok staršu.
A druhu mam na nediľu
duže molodšu.
|: A ja na to nič ne dbam,
lem ked ja sja dobri mam.
Zahrajte mi muzikanti
pjat grajcariv dam. :|

|: Šyroka poľana ne orana. :|
Orana, orana, ale malo,
bo sja jej kolečko polamalo.

|: Kolečko zlamalo, ručka spadla. :|
|: Ty, moja divčino, jak jes zbľadla. :|

|: Ty, moja divčino, ne strachujsja :|
|: pridu ja z vojenky, ožeňusja. :|

|: Jak ja išol z vojny kolo vody, :|
|: tam moja divčina myla nohy. :|

|: A ja sja jej prosil, što zrobila, :|
|: že sobi nožečky zabrudila. :|

Oj, na hori cigane stojali,
pid horoju cigane huľali.
|: Stojala, dumala ciganočka moloda,
ciganočka molodaja. :|

Ty, ciganko, ty, moja kochanko,
ľubil by'm ťa, keby ne Ivanko.
|: Stojala, dumala ciganočka moloda,
ciganočka molodaja. :|

Jeden cigan ne pjet, ne huľajet,
na ciganku brovami morhajet.
|: Stojala, dumala ciganočka moloda,
ciganočka molodaja. :|

A bolit, mňa bolit, što'm sja porizala,
v tym zelenym haju, hde jem travu žala.
|: V zelenym haju, v našym chotarju,
v tym zelenym haju, hde jem travu žala. :|

Jak jem travu žala, mati sja zvidala:
"Vitaj divko moja, barz jes dolho spala."
|: "Vitajže divko, povič mi všytko,
vitaj divko moja, barz jes dolho spala." :|

Spala ja, spala ja, ne vyspala ja sja.
Mala ja frajira, ľubovala ja sja.
|: Skoro z večera, dolho do rana, 
mala ja frajira, ľubovala ja sja. :|

|: Ej, braňat mi, zabraňajut, :|
sami tak robili, ne pamjatajut.
Ej, braňat mi, zabraňajut,
sami tak robili, ne pamjatajut.

|: Ne braňte, ne zabranite, :|
ja dala ručku a vy ne virite.
Ne braňte, ne zabranite,
ja dala ručku a vy ne virite.

|: Bo ja dala ručku pravu, :|
bo ja dala pravu, v cerkvi na prahu.
Bo ja dala ručku pravu,
bo ja dala pravu, v cerkvi na prahu.

|: Zabraniti mi ne mohli, :|
ot šuhaja othvariti ne znali.
Zabraniti mi ne mohli,
ot šuhaja othvariti ne znali.

Bude vojna bude, mam ja na ňu iti,
|: lenže ňa frajirka ne choče pustiti. :|

Bude vojna bude, vojna proklinana,
|: ne pušťu miloho, pidu na ňu sama. :|

Za koho divčatko, za koho bojuješ,
|: za svojho miloho, boju sja za ňoho. :|

Pjat ročkiv minulo, chlopci z vojny idut,
|: frajiročku moju lem koniky vezut. :|

Frajiročko moja, što ty narobila,
|: svij molodyj žyvit pro ňa utratila. :|

Ej, korovy, korovy mate zlaty rohy.
Ej, chto vas bude pasti, ked pidu do školy.
Chto vas bude pasti.
Ej, chto vas bude pasti, ked pidu do školy.

Ej, pastesja mi paste, korovičky moji.
Ej, bo mojmu ňaňkovi nigda ne po voli.
Bo mojmu ňaňkovi.
Ej, bo mojmu ňaňkovi nigda ne po voli.

Ej, korovy po zerni, teľata v ľadniku.
Ej, dostaneme doma učtu preveliku.
Dostaneme doma.
Ej, dostaneme doma učtu preveliku.

Hajtoli, hajtoli, jak vy hajtolite.
Ja pasu na luci, a vy ne vidite.
Ja pasu na luci, ja pasu na luci
a vy ne vidite.

Hajtoli, hajtoli, jak vy hajtolite.
Ja nakosil travy, a vy ne vidite.
Ja nakosil travy, ja nakosil travy
a vy ne vidite.

Ja nakosil travy, velike zajdisko.
No lem na ňa dvihni moja tovariško.
No lem na ňa dvihni, no lem na ňa dvihni
moja tovariško.

Svit misjačku z večera do rana,
bo spaňa ne mam.
Prišla karta zavtra rukovati,
na milu čekam.
|: Otvor že mi mila okenečko,
išti raz prituľu tvoje ličko.
Počekaj mňa dva ne cily ročky,
moja frajirečko. :|

Kamaraťa so spivom rukujut
i ja musju iti.
S rodičami, s bratom i so sestrom
sja rozlučiti.
|: O mene sja mamko ne starajte,
lem vy mi na milu pozir dajte.
Ja vam z vojny listok hnet napišu,
dobri sja majte. :|

A po roku mila mňa sklamala,
sja mi vydala.
Žeby za mnom išti tot druhyj rik
dolho čekala.
|: Ďakuju ti mila, žeby's znala,
ty i tak pro mene byla stara.
Teper ľubju tri roky molodšu,
tota moja prava. :|